اسلام آباد: دو سابق وزرائے اعظم کو سزائیں سنانے والے احتساب عدالت کے جج محمد بشیر ریٹائر ہوگئے۔
جج محمد بشیر 13 مارچ 2012 کو احتساب عدالت کے جج مقرر ہوئے تھے اور 12 سال تک فرائض انجام دینے کے بعد ریٹائر ہوئے۔
احتساب عدالت کے جج محمد بشیر نے دو سابق وزرائے اعظم نواز شریف اور عمران خان اور مریم نواز اور کیپٹن ریٹائرڈ صفدر کو بھی سزائیں سنائیں۔
انہوں نے سابق وزرائے اعظم شاہد خاقان عباسی ، راجا پرویز اشرف اور یوسف رضا گیلانی کے خلاف کیسز بھی سنے۔ صدر مملکت آصف علی زرداری کیخلاف کیسز بھی زیر سماعت رہے۔ جج محمد بشیر نے بانی پی ٹی آئی عمران خان کو توشہ خانہ کیس میں سزا سنانے کے بعد میڈیکل رخصت لے لی تھی۔
