کراچی: چائنیز کمپنی نے پاکستان اسٹیل ملز کی بحالی کیلئے1سےڈیڑھ ارب ڈالرکی سرمایہ کاری کی پیشکش کردی۔
ذرائع کے مطابق چائنیز کمپنی باو گروپ نےاسٹیل ملزکے شیئرز خریدنے میں دلچسپی کا اظہار کیا ہے اور ادارے کی بحالی کے لئے ایک سےڈیڑھ ارب ڈالرز سرمایہ کاری کی پیشکش کردی ہے۔
ذرائع کا کہنا ہے کہ معاملات طے ہونے پر تین سالہ پلان ترتیب دیا جائے گا، جس کے تحت اسٹیل ملزکی پیداوارپہلےسال میں10لاکھ ٹن جبکہ دوسرےسال میں20لاکھ اور تیسرےسال میں30لاکھ ٹن تک پہنچائی جائیگی۔
یہ بھی پڑھیں: کوریا اور چین کے سرمایہ کاروں کا اسٹیل ملز میں دلچسپی کا اظہار
ذرائع نے بتایا کہ جنوری دو ہزار تئیس سےمارچ کےدرمیان اسٹیل ملزکی نجکاری کردی جائےگی، اسٹیل ملزکی نجکاری کیلئےچار کمپنیوں کوپری کوالیفائیڈ کیلئےمنظورکیا گیا تھا، بین الاقوامی سرمایہ کار پارٹیاں پری کوالیفائیڈ میں داخلےکےبعد اسٹیل ملزکادورہ کر چکی ہیں۔
بتایا گیا ہے کہ اسٹیل ملز کی بیلنس شیٹ کلیئرکرکےنقصانات کسی اورکمپنی میں منتقل کردیئےجائیں گے۔
