سسٹین ایبل سوشل ڈیولپمنٹ آرگنائزیشن (SSDO )اور وومن ورکرز الائنس کے تعاون سے خواتین کے لیے سازگار کام کرنے کے ماحول کی فراہمی یقینی بنانے کے لیے ضلعی کنونشن کا انعقاد
27 جون 2022، اسلام آباد: سسٹین ایبل سوشل ڈیولپمنٹ آرگنائزیشن (SSDO )نے وومن ورکرز الائنس (WWA) )کے ساتھ مل کر ہرسطح پر بہتر لیبر قوانین کے انعقاد اور انتظامی امور میں بہتری کے مطالبے کے لیے ایک ضلعی کنونشن کا انعقاد کیاگیا۔ تقریب کے مہمان خصوصی وفاقی وزیر برائے سرمایہ کاری اور خصوصی اقدامات چوہدری سالک حسین تھے جبکہ سینیٹرز سیمی ایزدی، فوزیہ ارشد اور فرحت اللہ بابر نے بھی تقریب میں شرکت کی۔ اس میں مختلف طبقات سے تعلق رکھنے والی سو سے زائد خواتین کارکنوں نے بھی شرکت کی، جن میں سول سوسائٹی، میڈیا، کاروبار، قانون، تعلیم، صفائی، مہمان نوازی کی صنعت، صحت کی دیکھ بھال اور عوامی خدمات میں کام کرنے والی خواتین شامل تھیں۔
سینیٹر سیمی ایزدی نے کہا کہ خواتین کو بااختیار بنانے کے لیے قانون ساز وں نے کافی کام کیاہے ۔ جنرل نشستوں کے 5% ٹکٹ خواتین کے لیے مختص ہیں، اور انتخابی عمل کے دوران، خواتین ووٹرز کے 10% سے کم ٹرن آؤٹ والے پولنگ اسٹیشن پر انتخاب کو مسترد کر دیا جاتا ہے۔ انہوں نے گھریلو کام سمیت خواتین پر بلا معاوضہ مزدوری کےحوالے سے بھی تبادلہ خیال کیا ۔ جبکہ سینیٹر فوزیہ ارشد نے کہا کہ خواتین میں خود کو بااختیار بنانے کی زبردست صلاحیت ہے اور زندگی کے تمام شعبوں سے تعلق رکھنے والی خواتین کامیاب ہونے کی صلاحیت رکھتی ہیں۔ انہوں نے خواتین پر زور دیا کہ وہ خود کو اتنا مضبوط بنائیں کہ وہ مسائل کے لیے آواز اٹھا سکیں۔ اسی طرح فرحت اللہ بابر نے کہا کہ یہ ارکان پارلیمنٹ کی ذمہ داری ہے کہ وہ اس بات کو یقینی بنائیں کہ ہم سب سے پہلے پارلیمنٹ اور ملک میں ایک محفوظ ماحول پیدا کریں جس کے بعد قدرتی طور پر خواتین کے لیے کام کرنے کے لیے محفوظ ماحول پیدا ہوگا۔ انہوں نے ان محنت کو سراہا جو خواتین نے گزشتہ دہائیوں میں اپنے حقوق کو فروغ دینے کے لیے کی ہیں، انہوں نےخاص طور پر اس بات پر روشنی ڈالی کہ خواتین سیاست دان کتنی محنت کرتی ہیں اور یہ کہ ہر سیاسی پارٹی نے کتنی عظیم خواتین رہنما پیدا کی ہیں۔
مختلف شعبوں کے ماہرین کام کی جگہ پر خواتین کو درپیش مسائل، اور کام کرنے کی بہتر حالت کے مطالبات کے ساتھ ساتھ خواتین کے لیے محفوظ کام کرنے کے ماحول کے لیے پالیسی سازی کے کردار پر پینل ڈسکشن کی گئی۔ مائرہ عمران، تجربہ کار صحافی اور نیشنل پریس کلب کی نائب صدر نے کہا کہ انہوں نے خواتین صحافیوں کو مرد صحافیوں کے مقابلے میں زیادہ پرعزم اور محنتی پایا، اور اکثر خواتین کے مسائل جیسے گھریلو تشدد، صحت اور خواتین کو بااختیار بنانے کی کوریج کرتی ہیں۔ انہوں نے یہ بھی کہا کہ پریس کلب میں اب صرف خواتین صحافیوں کے لیے ایک مختص کمرہ ہے۔ فاطمہ جناح ویمن یونیورسٹی میں شعبہ جینڈر اسٹڈیز کی سربراہ ڈاکٹر شہلا تبسم نے خواتین کے لیے نہ صرف کام کرنے کے لیے سازگار ماحول بلکہ خواتین کے لیے سازگار تعلیمی ماحول کی ضرورت پر زور دیا۔ انہوں نے کہا کہ FJWU طالب علموں کے لیے عمر کی پابندی کو ہٹانے والی پہلی یونیورسٹی تھی، تاکہ وہ خواتین جنہوں نے اپنے چھوٹے سال بچوں کی پرورش میں صرف کیے ہوں، انہیں اب بھی اپنی تعلیم جاری رکھنے کا موقع ملے۔ اس کے علاوہ، انہوں نے خواتین کو ماہواری کے حوالے سے پیش آنے والی پریشانیوں کو بھی اٹھایا، جسے اکثر ایک ممنوع موضوع سمجھا جاتا ہے جبکہ یہ ایسی چیز ہے جس سے تمام خواتین گزرتی ہیں۔ اس کے باوجود، علیحدہ بیت الخلاء کی کمی، اور مہنگی ماہواری حفظان صحت کی مصنوعات کی وجہ سے خواتین کو بہت سے مسائل کا سامنا کرنا پڑتا ہے۔ انہوں نے کہا کہ ماہواری کی مصنوعات حکومت کی طرف سے مفت فراہم کرنے کی ضرورت ہے۔ ڈاکٹر طاہرہ شاہد ہیلتھ ایکٹیوسٹ نے بتایا کہ بہت سی خواتین اس وقت اپنی نوکریوں سے ہاتھ دھو بیٹھتی ہیں جب وہ احسان ماننے کو تیار نہیں ہوتیں اور یہ بھی کہ بہت سی کام کرنے والی خواتین کی ذہنی صحت بری طرح متاثر ہوتی ہے۔
ویمن ورکرز الائنس کی ممبران نے تقریب میں نہ صرف اپنی مالی آزادی بلکہ معاشی خوشحالی کے لیے کام کی جگہ پر خواتین کی مساوی شرکت کی اہمیت کو اجاگر کرنے کے لیے بات کی۔ ڈبلیو ڈبلیو اے کی رکن محترمہ زاہدہ پروین نے کہا کہ ILO کی C-190 کی توثیق کے لیے کوششیں کرنے کی ضرورت ہے، جب کہ مسرت جبین نے اپنے چارٹر آف ڈیمانڈز میں اس بات پر روشنی ڈالی کہ تیزی سے بڑھتی ہوئی مہنگائی اور پٹرول اور دیگر اشیاء کی قیمتوں میں اضافہ اجرتوں میں بھی بیک وقت اضافہ کرنے کی ضرورت ہے۔ ڈبلیو ڈبلیو اے کی محترمہ مہر نگار نے کہا کہ فیصلہ سازی کے اداروں میں خواتین کی نمائندگی مردوں کے مقابلے میں بہت کم ہے اور اس میں تبدیلی کی ضرورت ہے۔ مزید برآں، آجروں کو اس بات کو یقینی بنانا ہوگا کہ ان کے عملے کو باقاعدہ انکریمنٹ کی پیشکش کی جائے۔
تقریب کے اختتام پر SSDO کے ایگزیکٹو ڈائریکٹر سید کوثر عباس نے ذکر کیا کہ اس طرح کی تقریبات کا انعقاد خواتین کو اپنے تحفظات کے اظہار کے لیے ایک پلیٹ فارم فراہم کرنے اور نہ صرف ایک محفوظ کام کی جگہ بلکہ مجموعی طور پر ایک محفوظ معاشرے کی آگاہی کرنے کے لیے کیا گیا تھا۔ انہوں نے کہا کہ SSDO خواتین کے مزدوروں کے حقوق کی وکالت کرنے کے لیے کام کر رہا ہےاور حاضرین میں شامل کام کرنے والی خواتین کے تعاون سےکرتا رہے گا.