پاکستان شوبز انڈسٹری کی نامور اداکارہ کبریٰ خان کی ڈانس ویڈیو نے سوشل میڈیا پر تہلکہ مچا دیا ہے۔
اداکارہ نے اپنے انسٹا گرام اکاؤنٹ پر اپنی آنے والی نئی فلم ’لندن نہیں جاؤں گا‘ کا نیا گانا ’ماہیا وے ماہیا‘شیئر کیا ہے جس پر وہ ڈانس کر رہی ہیں جسے مداحوں کی جانب سے خوب پسند کیا جارہا ہے۔
اس فلم میں اداکار ہمایوں سعید اور اداکارہ مہوش حیات کے ساتھ مرکزی کردار ادا کرنے والی کبریٰ خان اپنی خوبصورت مسکراہٹ اور متاثر کن اداکاری سے سامعین کو مسحور کرنے کی منتظر ہیں۔
فلم ایک رومانوی کہانی ہے جس میں ایڈونچر اور کامیڈی ہے، جسے خلیل الرحمان قمر نے لکھا ہے اور ندیم بیگ نے ڈائریکٹ کیا ہے۔
فلم ’لندن نہیں جاؤں گا‘ عید الضحیٰ پر ریلیز کی جائے گی۔
کبریٰ خان نے 2014 میں اپنی اداکار ی کا آٖغاز فلم نامعلوم افراد سے کیا اور اب وہ ڈرامہ سیریل ’سنگ ماہ‘ میں مرکزی کردار ادا کر رہی ہیں۔