لاہور : (آئی این این) پاکستان، بنگلہ دیش اور نیوزی لینڈ کے درمیان سہ ملکی ٹی 20 سیریز کے شیڈول کا اعلان کر دیا گیا۔
سیریز کرائسٹ چرچ میں 7 سے 14 اکتوبر تک کھیلی جائے گی، سہ ملکی سیریز میں پاکستان اپنا پہلا میچ 7 اکتوبر کو کھیلے گا، پاکستان اور نیوزی لینڈ کی ٹیمیں 8 اکتوبر کو مدمقابل آئیں گی، فائنل میچ 14 اکتوبر کو کھیلا جائے گا۔
دوسری جانب کپتان قومی کرکٹ ٹیم بابراعظم نے کہا ہے کہ ٹی 20 ورلڈ کپ سے قبل سہ ملکی ٹی 20 سیریز میں شرکت کرنے پر بہت مسرور ہوں، مضبوط ٹیموں کے خلاف ہیگلے اوول کرائسٹ چرچ میں سیریز کھیلنے کے لیے منتظر ہوں۔