اسلام آباد: (آئی این این) قطر کی جانب سے تین ارب ڈالر کی پاکستان میں سرمایہ کاری کے اعلان کے بعد سعودی عرب نے بھی ایک ارب ڈالر کی سرمایہ کاری کی یقین دہانی کروا دی۔
وزیر خارجہ بلاول بھٹو اور سعودی ہم منصب فیصل بن فرحان کے درمیان ٹیلی فونک رابطہ ہوا ہے جس میں دوطرفہ برادرانہ تعلقات کے فروغ پر تبادلہ خیال کیا گیا۔
Pleased to have conversation with HH FM @FaisalbinFarhan. Recalling fraternal bilat. ties, welcomed KSA commitment of $1 billion invest. in Pakistan. Briefed my counterpart on damages caused by unprecedented floods, highly value solidarity expressed & KSAs all possible assistance
— BilawalBhuttoZardari (@BBhuttoZardari) August 25, 2022
ٹیلیفونک رابطے کے دوران سعودی عرب کی جانب سے پاکستان میں ایک ارب ڈالر کی سرمایہ کاری کی یقین دہانی کروائی گئی۔ اس پر بلاول بھٹو نے سعودی ہم منصب سے اظہار تشکر کیا۔
وزیر خارجہ نے سعودی ہم منصب کو پاکستان میں غیرمعمولی سیلاب سے ہونے والی تباہ کاریوں سے آگاہ کیا۔
بلاول نے بدترین سیلابی صورتحال کے حوالے سے اظہار یکجہتی پر سعودی عرب سے اظہار تشکر کیا اور سعودی عرب کی جانب سے پاکستان کے سیلاب متاثرین کی مدد کے لئے ہر ممکن اقدامات اٹھانے کی یقین دہانی کو بھی سراہا۔
یاد رہے کہ گزشتہ روز قطر نے پاکستان میں تین ارب ڈالر کی سرمایہ کاری کا اعلان کیا تھا۔
قطری اخبار کے مطابق امیری دیوان نے تفصیل بتائے بغیرکہا کہ قطر انویسٹمنٹ اتھارٹی نے اسلامی جمہوریہ پاکستان میں تجارت اورسرمایہ کاری کے مختلف شعبوں میں تین ارب ڈالر کی سرمایہ کاری کی خواہش کااعلان کیا۔