شوبز اور فیشن انڈسٹری میں ہر آئے دن نئے ٹرینڈز اور اسٹائل متعارف ہوتے رہتے ہیں، تاہم حال ہی میں اداکارہ حرا مانی کو ساڑھی کے ساتھ ٹی شرٹ پہن کر پروگرام میں شرکت کرنے پر تنقید کا نشانہ بنایا جا رہا ہے۔
حرا مانی ندا یاسر کے مارننگ شو میں اپنے آنے والے ڈرامے ’یہ نہ تھی ہماری قسمت‘ کی تشہیر کے لیے ساتھی اداکار منیب بٹ اور عائزہ اعوان کے ہمراہ شرکت کی۔
ان کا ڈراما ’یہ نہ تھی ہماری قسمت‘ اے آر وائے پر نشر کیا جا رہا ہے، جس میں وہ منیب بٹ کی اہلیہ کا کردار ادا کرتی دکھائی دیتی ہیں۔
’یہ نہ تھی ہماری قسمت‘ کی کہانی سیما مناف نے لکھی ہے جب کہ اس کی ہدایات سید علی رضی اسامہ نے دی ہیں۔
ڈرامے کی تشہیر کے سلسلے میں حرا مانی منفرد اسٹائل کے ساتھ مارننگ شو میں شریک ہوئیں مگر لوگوں کا ان کا انداز پسند نہیں آیا اور انہیں خوب تنقید کا نشانہ بنایا۔
https://www.instagram.com/p/CZgyhKfsgBK/?utm_source=ig_embed&ig_rid=87a3af5b-317a-4c2e-9eb0-8c8293c38746
حرا مانی پروگرام میں ساڑھی کے ساتھ سیاہ رنگ کی ٹی شرٹ پہن کر شریک ہوئی تھیں اور انہوں نے مذکورہ لباس کی تصاویر اپنے انسٹاگرام پر بھی شیئر کیں۔
حرا مانی نے تصاویر شیئر کرتے ہوئے بتایا کہ مذکورہ منفرد ساڑھی ’پرنیان بائے عائشہ جواد‘ کی جانب سے فروخت کے لیے پیش کی گئی ہے۔
https://www.instagram.com/p/CZg3rFkhjKb/?utm_source=ig_embed&ig_rid=9267153c-0e35-4909-860c-8972bc60ff4d
حرا مانی کی ٹی شرٹ اور ساڑھی کے ساتھ تصاویر کو ٹی وی چینل کے انسٹاگرام سمیت فیشن ہاؤس کے انسٹاگرام پر بھی شیئر کیا، جہاں لوگوں نے کمنٹس کرتے ہوئے اداکارہ کو تنقید کا نشانہ بنایا۔
لوگوں نے کمنٹس کیے کہ حرا مانی کو لباس پہننے کی سمجھ نہیں ہے، وہ کبھی بھی کسی طرح کا بھی لباس پہن لیتی ہیں۔
بعض افراد نے لکھا کہ ساڑھی کے ساتھ ٹی شرٹ کون پہنتا ہے؟ ساتھ ہی کچھ لوگوں نے حرا مانی کو پاگل بھی قرار دیا۔
instagram.com/p/CZgtPg3o894/?utm_source=ig_embed&ig_rid=2358af59-6b39-4dbe-8f21-d4932127f618
تاہم جہاں لوگوں نے اداکارہ کو ان کے فیشن اور لباس پر تنقید کا نشانہ بنایا، وہیں بعض لوگوں نے ان کے انداز و اسٹائل کی تعریف کرتے ہوئے انہیں خوبصورت بھی قرار دیا۔
لوگوں نے اداکارہ کے فیشن سینس کا مذاق بھی اڑایا—اسکرین شاٹ
ساڑھی اور ٹی شرٹ پہننے سے قبل بھی حرا مانی کو ان کے انداز، لباس اور پرفارمنس کی وجہ سے بھی تنقید کا نشانہ بنایا جاتا رہا ہے۔
ان کے علاوہ دیگر شوبز شخصیات اور خصوصی طور پر اداکاراؤں کو ان کے لباس اور فیشن پر تنقید کا سامنا رہا ہے۔
instagram.com/p/CZgtPg3o894/?utm_source=ig_embed&ig_rid=2358af59-6b39-4dbe-8f21-d4932127f618