نیٹ فلکس ویڈیو اسٹریمنگ نے پاکستان کی پہلی ویب سیریز کونشر کرنے کے لیے منظوری دے دی ہے۔ لیکن ابھی باقاعدہ طور پر اس کا اعلان نہیں کیا گیا ہے۔
پاکستانی صحافی حسن کاظمی نے ٹوئٹر پر پوسٹ کے ذریعے یہ خبر دی ہے کہ نیٹ فلکس نے پاکستان کی پہلی ویب سیریز کو نشر کرنے کے لیے منظوری دے دی ہے۔
اُنہوں نے لکھا ہے کہ بالآخر نیٹ فلکس نے پاکستان کی پہلی ویب سیریز کو منظوری دے دی، اس ویب سیریز کے 3 سیزن ہیں اور ہر ایک سیزن 13 اقساط پر مشتمل ہے، جس کا بجٹ بھی بہت بڑا ہے۔
انہوں نے مزید لکھا کہ اس بارے میں مزید تفصیلات جلد بتائی جائیں گی۔
#BreakingNews#Netflix finally approves its first original web series from Pakistan.
3 seasons, 13 episodes each with huge budget.
Details will be shared soon.#NetflixOriginals #Pakistan #Webseries— Hasan Kazmi (@hasankazmi_) February 19, 2022
نیٹ فلکس ویڈیو اسٹریمنگ کی ایک امریکی بین الاقوامی کمپنی ہے جس کے صارفین ماہانہ معاوضہ ادا کرنے کے بعد لا تعداد فلمیں اور ٹی وی شوز دیکھ سکتے ہیں۔ اس وقت نیٹ فلیکس پر دنیا بھر سے 192 ملین سے زائد سبسکرابرز ہیں۔
